அனல் பறக்கும் பிரச்சாரம்..! அரசியல் கட்சி வேட்பாளர்கள் வீதி வீதியாக சென்று வாக்கு சேகரிப்பு

அரசியல் இந்தியா தமிழகம்

துறைமுகம் தொகுதி பாஜக வேட்பாளர் வினோஜ் செல்வம் மக்களுடன் இறகு பந்து விளையாடி வாக்கு சேகரிப்பு

சென்னை துறைமுகம் தொகுதியில் போட்டியிடும் பாஜக வேட்பாளர் வினோஜ் செல்வம் பொதுமக்களுடன் இறகு பந்து விளையாடி வாக்கு சேகரித்தார். கொண்டிதோப்பு பகுதியில் உள்ள சிவஞானம் பூங்காவிற்கு சென்ற அவர், மக்களுடன் இறகு பந்து விளையாடியும், புகைப்படம் எடுத்துக்கொண்டும் பிரச்சாரம் செய்தார்.

அதைத்தொடர்ந்து அதேபகுதியில் உள்ள டீக்கடைக்கு சென்ற அவர் ஆதரவாளர் ஒருவருக்கு டீ போட்டு கொடுத்து பாஜகவிற்கு ஆதரவு திரட்டினார்.

”குழாய் வரியை குறைத்து வசூலிக்க நடவடிக்கை” – துரைமுருகன் வாக்குறுதி 

வேலூர் மாவட்டம் காட்பாடி தொகுதியில் திமுக சார்பில் போட்டியிடும் அக்கட்சியின் பொதுச்செயலாளர் துரைமுருகன், தீவிர வாக்கு சேகரிப்பில் ஈடுபட்டார். பழைய காட்பாடி கோட்டை அம்மன் கோவில் பகுதியில் வாக்கு சேகரிப்பில் ஈடுபட்ட அவர், மீண்டும் எம்.எல்.ஏ.வாக வெற்றி பெற்றால் குழாய் வரி 50 ரூபாயாக குறைத்து வசூலிக்க நடவடிக்கை எடுப்பேன் எனக்கூறி ஆதரவு திரட்டினார்.

திருச்சி மேற்கு தொகுதி திமுக வேட்பாளர் கே.என்.நேரு வீதிவீதியாக திறந்த வாகனத்தில் சென்று தேர்தல் பிரச்சாரம்

திருச்சி மேற்கு தொகுதியில் திமுக சார்பில் போட்டியிடும் கே.என்.நேரு அப்பகுதிகளில் தீவிர வாக்கு சேகரிப்பில் ஈடுபட்டார். இத்தொகுதிக்குட்பட்ட தென்னூர், கீரைக்கொல்லை உள்ளிட்ட பகுதிகளில் திறந்த வாகனத்தில் சென்று அவர் பிரச்சாரம் மேற்கொண்டார். வீதிவீதியாக சென்று வாக்கு சேகரித்த அவருடன் திரளான கூட்டணிக் கட்சியினர் கலந்து கொண்டனர். முன்னதாக அப்பகுதியிலுள்ள கோவில் மற்றும் தேவாலயத்தில் வழிபாடு நடத்திய பின்னர் திமுக வேட்பாளர் கே.என்.நேரு தனது பிரச்சாரத்தைத் துவங்கினார்.

Leave a Reply

Your email address will not be published. Required fields are marked *